سازمانی خهباتی کوردستانی ئێران
ڕژیمی ئاخوندی خەریکە چەک دەداتە چەکدارانی عێراق بۆ هێرشکردنە سەر ئیسرائیل.
ڕادیۆی نیشتمانیی ئیسرائیل بڵاوی کردەوە، حکومتی ئێران خەریکە چەک دەکاتە دەستی چەکدارە شیعەکانی عێراق و ئامادەیان دەکات بۆ ڕووبەڕووبوونەوەیەکی ئەگەری لە داهاتوودا لەگەڵ ئیسرائیل.ئەو دەزگایە بە گێڕانەوە لە سەرچاوە ئاگادارەکانی عێراق، بڵاوی کردەوە کە بەهۆی ئەو لێدانانەی کە ئەو تەوەری "بەرگری"ـیە کە ڕژیمی ئێران پشتیوانی دەکات لە لوبنان، سوریە و غەززە بەرکەوتووە، حکومتی ئێران هەوڵ دەدات خاڵی سەرەکیی نفوزی سەربازیی خۆی بەرەو چەکدارەکانی عێراق بگوازێتەوە.بەپێی ئەم ڕاپۆرتە، پشتیوانیی حکومتی ئێران لەم چەکدارانە لەم دواییانەدا زیادی کردووە و سەرنجی لەسەر ناردنی چەکی پێشکەوتووترە بۆیان.بە وتەی ئەم سەرچاوانە، پێ دەچێت ڕژیمی ئێران خەریکە هێزە جێگرەکانی خۆی لە عێراق ڕاهێنان پێ دەکات بۆ ئەنجامدانی کاردانەوە دژی ئیسرائیل لە ئەگەری دەستپێکردنەوەی پێکدادانەکان.
