سازمانی خهباتی کوردستانی ئێران
دوای 17 ساڵ، ئەمریکا و بۆلیڤی پەیوەندییەکانیان دەستپێدەکەنەوە
ڕۆدریگۆ پاز، سەرۆکی بۆلیڤی و کریستوفر لانداو، جێگری وەزیری دەرەوەی ئەمریکا ڕایانگەیاند، پەیوەندییە دیپلۆماسییەکانی هەردو وڵات لەسەر ئاستی باڵیۆزایەتی دەستپێدەکەنەوە دوای پشویەک لە ساڵی2008ەوە پچڕابو.ڕۆدریگۆ پاز، سەرۆکی بۆلیڤی لە میانی دیدارێکدا لەگەڵ ئەو بەرپرسە ئەمریکییەکە وتی، "پەیوەندییەکان دەست پێدەکەینەوە"، لەکاتێکدا ئەمهی دوەمیان ڕونیکردەوە کە "لە ئاستی باڵیۆزایەتیدا دەستپێدەکرێتەوە، وەک ئەوەی دەبو هەمیشە بوایە".پاز دوێنێ شەممە سوێندی یاسایی خوارد و بەڵێنیدا کە بۆلیڤی جارێكی دیكه گۆشهگیر نابێت، ئەمەش دوای کۆتاییهاتنی دەسەڵاتی 20 ساڵەی سۆسیالیستی لە وڵاتێکدا کە بەدەست قەیرانێکی توندی ئابورییەوە دەناڵێنێت.
