سازمانی خهباتی کوردستانی ئێران
زێلێنسکی: پێویستمان بە بەرگریی ئاسمانیی زیاترە
لەگەڵ توند بونەوەی هێرشەکانی ڕووسیا بۆ سەر ژێرخانی وزەی ئۆکراین، سەرۆکی ئەو وڵاتە ڕایگەیاند کە تیمەکانیان بەبێ وەستان کاردەکەن بۆ چاککردنەوەی زیانەکان و داوای سیستمی بەرگریی ئاسمانیی زیاتریش دەکات.ڤۆڵۆدیمیر زێلێنسکی، سەرۆکی ئۆکراین، لە وتاری شەوانەیدا ئاشکرای کرد کە ڕووسیا هێرشەکانی بۆ سەر تۆڕی کارەبا و وزەی وڵاتەکەی زیاد کردووە و ئێستا مووشەکی بالیستیکی و هێرشی ئاسمانیی بەرفراوان بەکاردەهێنێت.سەرۆکی ئۆکراین پیداگرییی لەوە کردەوە کە سەرەڕای دۆخە سەختەکە، هەوڵەکان بۆ چارەسەرکردنی کێشەکە بەردەوامن و "تیمەکان لە زۆربەی ناوچەکان بەدرێژایی کات کاردەکەن بۆ چاککردنەوەی تۆڕی کارەبا و ژێرخانی وزە... هەزاران کەس بەشدارن لە جێگیرکردنەوەی سیستمەکە و چاککردنەوەی زیانەکان."
