سازمانی خهباتی کوردستانی ئێران
ڕوسیا گەنجانی هەژاری هیندستانی بە بەڵێنی هەلی کار ڕاکێشا بۆ بەرەی جەنگ
کرملین دەیان گەنجی هیندی بە بەڵێنی کار و داهات فریوداوە و کێشاوە بۆ ڕووسیا، پاشان بە زۆرەملی بۆ جەنگ لە ئۆکراین بەکاری هێناون.کاربەدەستانی هیندستان دەڵێن لانیکەم ٤٤ هاووڵاتی وڵاتەکەیان لە یەکە سەربازییەکانی ڕووسیادا خزمەت دەکەن و چەند کەسێکیان لە مەیدانی جەنگدا کوژراون.بەپێی ڕاپۆرتی فرانس٢٤، سەرەتای مانگی نۆڤمبر، خێزانی چەند پیاوێکی هیندی لە نیودەلهی گردبوونەوە و داوایان لە حکومەت کرد کەس و کارەکانیان لە ڕووسیا بگەڕێننەوە.ئەوان وتیان کە ئەم پیاوانە بوونەتە قوربانی تۆڕێکی شاراوە کە سەرەتا بەڵێنی کاری یاسایی پێدان، بەڵام دوای گەیشتنیان بە ڕووسیا ناچارکران گرێبەست بە زمانی ڕووسی واژۆ بکەن کە واتاکەیان نەدەزانی و پاشان بەبێ ڕاهێنانی پێویست ڕەوانەی بەرەکانی جەنگ کران.
