ڕێژەی توشبووانی کۆرۆنا لە شاری بانە لە زیادبووندایە.

خەباتمێدیا: بەپێی چەند سەرچاوەیەک کە لە بانەوە گەیشتووە، ڕێژەی توشبووان لەو شارە ڕوو لە زیادبونە.
بەڵام ژمارەیەکی زۆر لە ئاخوندەکان و هەروەها دانیشتوانی شاری قوم کە سەرچاوەی بڵاوبوونەوەی پەتای کۆرۆنا لەو شارەن، هاتوون و لە خانەباخەکانی دەشتی سوورێن نیشتەجێ بوون، کە هەم مەترسییە بۆ خەڵکی ڕۆژهەڵات و هەم باشوور.
ڕێژەی تووشبووان گەیشتۆتە زیاتر لە 15 کەس و نزیکەی 30 کەسیش قەرەنتینە کراون، بەشێکی زۆر دوکان و شوێنە گشتیەکانی ئەو شارە داخراون.
وەک هەمیشە دەسەڵات لە چارەسەرکردنی ئەو کێشەو نەخۆشیە کەمتەرخەمە، بە تایبەت لە شارەکانی کوردستان. هەروەها لە میدیاکان هەواڵی درۆ و ناڕاست وەک پێڕاگەیشتن بە خەڵک و قەدەغەکردنی هاتوچوو لە بەینی شارەکان، وەک پێویست نیە و هەوڵەکان بۆ خۆ پارێزی هەر لەچوارچێوەی تاکەکەسی و چالاکانەوە دەکرێ.