سازمانی خهباتی کوردستانی ئێران
فراوانبوونی ناڕەزایەتییەکانی "نەوەی زێد" لە مەکسیک
لە ڕۆژی شەممەدا، هەزاران کەس لە چەندین شاری مەکسیک، لەوانە مەکسیکۆ سیتی، لە چوارچێوەی ناڕەزایەتییەکان بە ناوی "نەوەی زێد" ڕژانە سەر شەقامەکان و ناڕەزایەتییان دەربڕی بەرامبەر بە زیادبوونی تاوان، گەندەڵی و بەدەر بوون لە سزای تاوانباران. ئەم شەپۆلی ناڕەزایەتییانە دوای تیرۆرکردنی کارلۆس مانزۆ، سەرۆکی شارەوانی ئۆرۆئاپان کە دژ بە تاوان بوو، گەیشتە لووتکە.ئاژانسی هەواڵی ڕۆیتەرز لە ڕۆژی شەممە، ، بڵاوی کردەوە کە ناڕەزایەتییەکانی ئەمڕۆ لە مەکسیکۆ سیتی، بە ئامادەبوونی گرووپێکی بچووک لە خۆپیشاندەرانی دەمامکدار، گرژی تێکەوت.ئەوان پەرژینەکانی دەوری کۆشکی نیشتمانییان – شوێنی نیشتەجێبوونی کلۆدیا شینباوم، سەرۆکی مەکسیک – هێنایە خوارەوە، ئەمەش بووە هۆی پێکدادان لەگەڵ پۆلیسی بەرەنگاربوونەوەی ئاژاوەگێڕان و هێزە ئەمنییەکان گازی فرمێسکڕێژیان بەکارهێنا بۆ بڵاوەپێکردنی قەرەباڵغییەکە.
