سازمانی خهباتی کوردستانی ئێران
ئەڵمان قەدەغەی لەسەر هەناردەی چەک بۆ ئیسرائیل هەڵگرت
ئەمڕۆ دووشەممە، ٢٦ی خەزەڵوەری ١٤٠٤، سیباستیان هیل، وتەبێژی حکوومەتی ئەڵمان بە ڕۆژنامەنووسانی ڕایگەیاند: "قەدەغەکردنی هەناردەکردنی چەک بۆ ئیسرائیل هەڵدەگیرێت"، وتیشی: بڕیارەکە لە 24ـی نۆڤمبری 2025 جێبەجێ دەکرێت."ڕاوێژکاری ئەڵمان فریدریک مێرتز، لەمانگی ئابی ڕابردوو، بڕیاری قەدەغەی هەناردەکردنی چەکی بۆ ئیسرائیل دا، ئەمەش وەک کاردانەوەیەک بوو بۆ پلانەکانی حکوومەتی ئیسرائیل بۆ فراوانکردنی ئۆپەراسیۆنە سەربازییەکانی لە شاری غەززە. سیباستیان هیل، ئاماژەی بەوەشکرد، "لەبەر ڕۆشنایی دۆخی ئەم دواییە بڕیارماندا چاو بە بەڕیارەکەماندا بخشێنینەوە."
