سازمانی خهباتی کوردستانی ئێران
سەعات ١٢ی نیوەڕۆی ڕۆژی یەکشەممە، ٢٥ی خەزەڵوەری ١٤٠٤، میلاد کەریمی، هاووڵاتی تەمەن ٣٩ ساڵ و باوکی دوو منداڵ، خەڵکی شاری سنە، لە دەروازەی شاری تیکاب بە تەقەی ڕاستەوخۆی هێزە حکومییەکان کوژرا.بەپێی ڕاپۆرتی سەرچاوەکان، ئۆتۆمبێلەکەی میلاد کەریمی لە جۆری پراید، تەقەی لێکراوە و ئەم هێرشە بووەتە هۆی کوژرانی. هەروەها یەکێک لە سەرنشینەکانی دیکەی ئۆتۆمبێلەکە بە ناوی موختار گودەرزی بریندار کراوە و گیراوە.مەراسیمی بەخاکسپاردنی ئەم هاووڵاتییە ئەمڕۆ دووشەممە، ٢٦ی خەزەڵوەر، لە گۆڕستانی بەهەشتی محەممەدی شاری سنە بەڕێوەچوو.ئەم تاوانە لە کاتێکدا ڕوودەدات کە تەنها یەک ڕۆژ پێش ئێستا، دوو برای کورد (خەڵکی شاری خۆی بە ناوەکانی خالیس پەروێزی و یوسف پەروێزی لە سنووری قطوور (کوتول) لەلایەن چەکدارانی سەر بە ئیتڵاعات و سپای ترۆریستی پاسدارانی هێرشیان کرایە سەر و هەردووکیان لە شوێنی ڕووداوەکە کوژران.
