سازمانی خهباتی کوردستانی ئێران
ژنێکی گەنج لە ئێران بە دەستی خەسووی کوژرا
ڕێکخراوەکانی مافی مرۆڤ ڕایانگەیاندووە، لە شارستانی فومەن سەر بە پارێزگای گیلان، ژنێکی گەنج بە ناوی "سارا شەمشادی" بەهۆی کێشەی خێزانییەوە کوژراوە. وردەکاریی ڕووداوەکە بەم شێوەیە کە سارا لەلایەن خەسوویەوە، واتە دایکی هاوژینەکەی، بە ئاسن و میلگرد هێرشی کراوەتە سەر و بە سەختی لە سەر و دەموچاویدا بریندار کراوە. سەرچاوەکان دەڵێن دوای لێدانەکە، دەرگای ژوورەکەی لەسەر داخراوە و ڕێگە نەدراوە فریاگوزاری بۆ بکرێت تا کوژراوە. جێگەی ئاماژەیە، ئەم قوربانییە خاوەنی منداڵێک بووە و بەپێی زانیارییەکان لە کاتی ئەنجامدانی تاوانەکەدا، منداڵەکەشی لە شوێنی ڕووداوەکە بووە. "ئەو تاوانە دڕندانەیە جارێکی دیکە ئەو ڕاستییەی سەلماندەوە کە یاسا و سیستەمی قەزایی حکومتی ئێران، هیچ پاراستنێک بۆ ژنان دابین ناکەن و ژیانیان لەبەردەم مەترسیدایە.
