سازمانی خهباتی کوردستانی ئێران
ئەمریکا و ئۆکراین لەسەر رەشنووسێکی نوێ و هەموارکراوی ئاشتی رێککەوتن
ئەمریکا و ئۆکراین دەڵێن، پلانێکی نوێ و هەموارکراویان ئامادە کردووە تایبەت بە راگرتنی جەنگی سێ ساڵ و نیوەی ئۆکراین و رووسیا؛ گۆڕانکاری لەو رەشنووسەی بەرپرسانی ئیدارەی ترەمپ کراوە کە هەریەک لە بەرپرسانی ئۆکراین و ئەورووپا پێیانوابوو لە بەرژەوەندیی مۆسکۆ بووە. بەرەبەیانی رۆژی دووشەممە، لە بەیاننامەیەکی هاوبەشدا کە پاش کۆبوونەوەی نێوان شاندی باڵای ئەمریکا و ئۆکراین لە جنێڤ بڵاوکرایەوە، هەردوولا رایانگەیاند، گفتوگۆکانیان "بەرهەمدار" بووە. ئاماژەش بەوە دەکەن، لە رۆژانی داهاتوودا گفتوگۆکانیان بەردەوام دەبن.بەڵام لە بەیاننامە هاوبەشەکەدا، وردەکاریی هەندێک پرسی گرنگ باس نەکران؛ لەوانەش، چۆنێتیی دەستەبەرکردن و گەرەنتیی پاراستنی ئاسایشی ئۆکراین لە بەرامبەر هەڕەشەکانی رووسیا.
