سازمانی خهباتی کوردستانی ئێران
لە نزیک کۆشکی سپیی ئەمریکا تەقە کرا و چەند کەسێک بریندارن
رۆژی چوارشەممە 26-11-2025 پۆلیسی واشنتن رایگەیاند، کەسێک بە چەک هێرشی کردووە و تەقەی کردووە. "چەند کەسێک برینداربوون، کە دووانیان پاسەوانیی نیشتمانین. "کارۆلاین لێڤیت، وتەبێژی کۆشکی سپی رایگەیاند، دۆناڵد ترەمپ، سەرۆکی ئەمریکا لە وردەکاریی رووداوەکە ئاگادار کراوەتەوە و کۆشکی سپی چاودێریی دۆخەکە دەکات.پۆلیس هیچ زانیارییەکی لەسەر دۆخی تەندروستیی سێ کەسەکە ئاشکرا نەکرد، بەڵام وتی گومانلێکراوێک گیراوە. بەگوێرەی پۆلیس، هێرشەکە لە چوارڕییانی 17ـی شەقامی نۆرسوێست کراوە، کە چەند شەقامێک لە کۆشکی سپیی ئەمریکاوە دوورە.
