سازمانی خهباتی کوردستانی ئێران
ئوسترالیا باڵیۆزی حکومتی ئێرانی دەرکرد و سپای پاسدارانی بە «تیرۆریست» ناساند
حکوومەتی ئوسترالیا بە فەرمی سپای پاسدارانی ڕژیمی ئیرانی وەک «پاڵپشتیکاری حکومتی بۆ تیرۆر» ناساند.پێنی وۆنگ، وەزیری دەرەوەی ئوسترالیا ڕایگەیاند، ئەم بڕیارە دوای ئەوە هات کە دەزگا هەواڵگرییەکانمان بەڵگەی تەواویان دەستکەوتووە کە سپای پاسداران دەستی هەبووە لە پلانڕێژیکردن بۆ هێرشکردنە سەر کۆمەڵگەی جووەکان لە ناو خاکەکەماندا.بەپێی یاسا نوێیەکەی ئوسترالیا، ئێستا سپای پاسداران یەکەم دەزگای حکوومییە کە دەخرێتە ئەم لیستە ڕەشەوە و لەمەودوا هەر کەسێک لە ئوسترالیا پەیوەندی بەو هێزەوە هەبێت، وەک «تاوانبار» مامەڵەی لەگەڵ دەکرێت.هەروها سەرۆک وەزیرانی ئوسترالیا زۆر بە توندی وەڵامی ڕژیمی ئێران دەداتەوە؛ دوای ئەوەی بۆیان دەرکەوت ڕژیمی ئێران لە پشت دوو هێرشی دژە-جوو بووە، باڵیۆزی حکومتی ئێرانیان لە وڵاتەکەیان دەرکردووە و دەرگای باڵیۆزخانەی ئوسترالیاش لە تاران داخراوە و چالاکییەکانی هەڵپەسێردراون.ئەمە بە یەکێک لە توندترین هەڵوێستە دیپلۆماسییەکانی ئوسترالیا دژی ڕژیمی ئاخوندی ئێران دادەنرێت.
