سازمانی خهباتی کوردستانی ئێران
لەگەڵ بەردەوامیی گرژییەکانی ڕۆژهەڵاتی ناوەراست، ئیسرائیل بە ئاشکرا باس لە ئامادەکارییەکان بۆ رووبەڕووبوونەوە و وەڵامدانەوەی هەر سەرکێشییەکی ڕژێمی ئاخوندی ئێران دەکات.ئەمیر بارام، بەڕێوەبەری گشتیی وەزارەتی بەرگریی ئیسرائیل، ئەمڕۆ لە کۆنفرانسی "تێک دیفێنس" لە تەل ئەڤیڤ ڕایگەیاند، وڵاتەکەی سەرقاڵی پەرەپێدانی تەکنۆلۆژیایەکی پێشکەوتووە بۆ پووچەڵکردنەوەی هەر سیناریۆیەکی جەنگ کە ڕژێمی ئێران بیهێنێتە ئاراوە.بە وتەی ئەم بەرپرسە باڵایە، هەوڵە تێکدەرەکانی ڕژێمی ئێران بۆ کۆکردنەوەی مووشەکی بالیستیک لەژێر سایەی ئایدۆلۆژیایەکی توندڕەودا، وای کردووە ئیسرائیل خۆی بۆ قۆناغێکی نوێ و یەکلاکەرەوە ئامادە بکات.بارام هۆشداری دا، هەرچەندە ڕژێم هەوڵ دەدات تاکتیکەکانی بگۆڕێت، بەڵام سپای ئیسرائیل وەک هەمیشە ئامادەیە.لە بەشێکی دیکەی قسەکانیدا، پیداگریی لەوە کردەوە کە ئیسرائیل خاوەنی سیستەمێکی بەرگریی بێهاوتایە کە بەرهەمی دەیان ساڵ ئەزموونە و دەتوانێت بەسەر هەڕەشەکانی ڕژێمدا زاڵ بێت؛ توانایەک کە بە وتەی ئەو، کەم وڵات هەیە بتوانێت ڕکابەریی بکات.
