سازمانی خهباتی کوردستانی ئێران
سپای ئهمریكا: لهگهڵ وهزارهتی ناوخۆی سوریە، 15 پێگهی داعشمان له باشوری ئهو وڵاته لهناوبردن
فهرماندهیی ناوهندیی ئهمریكا سهر به سپای ئهو وڵاته رایگهیاند، هێزهكانیان به هاوبهشی لهگهڵ وهزارهتی ناوخۆی سوریە، له ئۆپهراسیۆنێكدا زیاتر له 15 پێگهی داعشیان له باشوری سوریە دیاریكردون و لهناویان بردون كه كۆگای چهكی رێكخراوهكه بون.فهرماندهیی ناوهندیی ئهمریكا، ئهمڕۆ یهكشهممه، له راگهیهندراوێكدا وتوشیهتی، ژمارهیهك له ئهفسهرانی ئهمریكا لهگهڵ هێزهكانی وهزارهتی ناوخۆی سوریە ههڵساون به دیاریكردنی پێگهی كۆگاكانی چهكی داعش له پارێزگای ریفی دیمهشق و لهناوبردیان لهچوارچێوهی ئۆپهراسیۆنێكی هاوبهشدا كه له رۆژانی 24 تاوهكو 27ی ئهم مانگه بهڕێوهچوه، ئهوهش لهڕێگهی ئهنجامدانی ھێرشی ئاسمانی و تهقینهوهی زهمینی.ئاماژەی بۆ ئهوهش كردوه، له ئۆپهراسیۆنه هاوبهشهكهدا، زیاتر له 130 هاوهن و موشهكهو ههروهها چهندین چهكی جۆراوجۆر و مینی دژه تانك و كهرهستهی دروستكردنی بۆمبی چێندراوی داعش لهناوبراون.
