سازمانی خهباتی کوردستانی ئێران
بابل؛ مانگرتنی خوێندکارانی زانکۆی نەوشیروانی دژی خراپیی کوالێتیی خۆراک"
"نیوەڕۆی ئەمڕۆ سێشەممە، یازدەی ئازەر، حەوشەی زانکۆی پیشەسازیی نەوشیروانی لە شاری بابل، بووە مەیدانی گردبوونەوەی خوێندکاران.
بەگوێرەی زانیارییەکان، ژمارەیەکی بەرچاو لە خوێندکارانی ئەم زانکۆیە وەک دەربڕینی ناڕەزایەتی بەرانبەر بە کوالێتی نزم و خراپیی خواردنی سێلف یان خواردنگەی زانکۆکە، گردبوونەوەیەکیان ئەنجام داوە."خوێندکارە ناڕازییەکان ڕایانگەیاندووە کە دەستیان داوەتە مانگرتن لە خواردن و پیداگریان کردووەتەوە تا ئەو کاتەی بەرپرسانی زانکۆ بە دەم داواکارییەکانیانەوە نەێن و دۆخەکە چاک نەکەن، لەم ناڕەزایەتییە بەردەوام دەبن. بە وتەی ئەوان، گوێنەدانی بەرپرسان بە داواکارییە پێشووەکانیان و بەردەوامیی خراپیی ژەمە خۆراکییەکان، هۆکاری سەرەکیی تەقینەوەی ئەم تووڕەییە بووە."ئەم گردبوونەوەیەی بابل لە کاتێکدایە، کە لە چەند مانگی ڕابردوودا، زنجیرەیەک ناڕەزایەتی هاوشێوە لە زانکۆ جیاوازەکانی ئێران سەریهەڵداوە. چاودێران پێیان وایە کە پرسی کوالێتی خواردن و گرانیی نرخەکان، تەنها کێشەیەکی هونەری نییە، بەڵکو بووەتە بەشێک لە داواکارییە سەرەکییە سنفییەکانی خوێندکاران کە ڕەنگدانەوەی دۆخی ئابووری و پشتگوێخستنی کەرتی خوێندنە لەلایەن حکوومەتەوە."
