سازمانی خهباتی کوردستانی ئێران
جۆ ویڵسن، ئەندامی کۆماریی کۆنگرێسی ئەمریکا رایگەیاند، کە بە روونی بە بەرپرسانی عێراق وتراوە کە مامەڵەکردنی ئاسایی و بەردەوامبوون لە پشتیوانیکردنی میلیشیاکانی سەر بە حکومتی ئێران لەلایەن ئەمریکاوە جێگەی قبووڵکردن نابێت و رایگەیاند، "کاتی ئەوە هاتووە عێراق لە حکومتی ئێران رزگار بکرێت."ئەندامەکەی کۆنگرێس ئاماژەی بەوەدا کە عێراق دەرفەتێکی زێڕینی لەبەردەمدایە بۆ گەشەکردن و بووژانەوە ئەگەر رەفتاری خۆی بگۆڕێت و لە هەژموونی حکومتی ئێران دووربکەوێتەوە.وێڵسن، روونیکردەوە کە کۆنگرێسی ئەمریکا ئامادەیە پاڵپشتیی تەواوی ترەمپ بکات لە رێگەی بڕگەی نوێوە لە یاسای بودجەی بەرگریی نیشتمانی دا، کە بۆ یەکەمجار یارمەتییەکان بۆ هێزە ئەمنییەکانی عێراق مەرجدار دەکات. بەپێی ئەو مەرجانە، "پێویستە حکومەتی عێراق هەنگاوی کردەیی و بەرجەستە بنێت بۆ راگرتنی پاڵپشتیی دارایی و لۆجستی بۆ میلیشیاکانی سەر بە حکومتی ئێران."
