سازمانی خهباتی کوردستانی ئێران
گیرانی سێ هاووڵاتیی کورد لە مهابادسێ هاووڵاتیی کوردی خەڵکی مهاباد بە ناوەکانی ئاکام شێخە مورشە، ئیمان محەممەدزادە و هەژار محەممەدزادە ئەقدەم، لەلایەن هێزە بەكرێگیراوەكانی ڕژیمی ئێران گیراوەن و بۆ شوێنێکی نادیار گوازراونەتەوە. بەو شێوەیە ژمارەی گیراوانی مەهاباد گەیشتە شەش کەس، و لە ماوەی ١٠ی ڕۆژی ڕابردوودا لە كوردستان گەیشتە ٣٤ كەس.بەرەبەیانی ڕۆژی چوارشەممە ١٩ی سەرماوەز، ئاکام شێخە مورشە، خەڵکی گوندی قەرەقشڵاق سەر بە مەهاباد و هەژار محەممەدزادە ئەقدەم و ئیمان محەممەدزادە، خەڵکی گوندی خوڕخوڕەی ئەو شارە گیران.گیرانی ئەو سێ هاووڵاتییە کوردە بەبێ نیشاندانی هیچ بەڵگەیەكی قەزایی لە ماڵە تایبەتییەکانیاندا ئەنجام دراوە.پێشتریش گیرانی سامان قوربانی، تەمەن ٢٩ ساڵ و خەڵکی گوندی یاڵتەمری مهاباد و کازم ئازادە و ناسر ئازەرەم، خەڵکی شارەدێی «خەلیفان» لەلایەن هێزەکانی ئیتلاعات بڵاو کرابۆوە.
