سازمانی خهباتی کوردستانی ئێران
وەزیری ناوخۆی ئەمەریکا: تا کۆتایی ساڵ زیاتر لە دوو ملیۆن کۆچەر وڵات جێدەهێڵن
وەزیری ناوخۆی ئەمەریکا ڕایدەگەیەنێت، تا کۆتایی ئەمساڵ بە ملیۆنان کۆچەری نایاسایی وڵاتەکە جێدەهێڵن و بۆ هاندانی گەڕانەوەی خۆبەخشانەش، حکوومەت بڕی هەزار دۆلار و ئاسانکاریی یاسایی دەداتە کۆچەران.کریستی نۆیم، وەزیری ناوخۆی ئەمەریکا ڕایگەیاند، پلانەکانیان بۆ سنووردارکردنی کۆچی نایاسایی ئەنجامی هەبووە و پێشبینی دەکەن تا کۆتایی ئەمساڵ نزیکەی دوو ملیۆن و 500 هەزار کۆچەری نایاسایی وڵاتەکەی جێبهێڵن.نۆیم لە لێدوانێکدا وردەکاری پرۆسەکەی ئاشکرا کرد و وتی: لەو ژمارەیە، 600 هەزار کەسیان لە ڕێگەی گرتن و دیپۆرتکردنەوە دەگەڕێندرێنەوە، بەڵام بەشی هەرە زۆریان کە ملیۆنێک و 900 هەزار کۆچەرن، بە شێوەیەکی خۆبەخشانە بڕیاری گەڕانەوەیان داوە.
