سازمانی خهباتی کوردستانی ئێران
وەزارەتی خەزێنەی ئەمریکا ناوی دەیان کۆمپانیای کەشتیوانی و هەروەها چەندین کەشتی بڵاوکردەوە کە بۆ لیستی سزاکانی پەیوەندیدار بە ڕژیمی ئێران زیاد کراون.
نووسینگەی کۆنتڕۆڵکردنی سەرمایە بیانییەکانی سەر بە وەزارەتی خەزێنەی ویلایەتە یەکگرتووەکانی ئەمریکا، ڕۆژی پێنجشەممە لیستی ئەو دامەزراوە و کەسانەی کە سزاکانی ئەمریکا دەور دەدەنەوە، نوێ کردەوە.
بەپێی ئەم نوێکردنەوەیە، نزیکەی ۲۰ کۆمپانیای کەشتیوانی کە بنکەکانیان لە دوورگەکانی مارشاڵ، پەنەما، دوورگەکانی ڤێرجینی بەریتانیا، لیبێریا، ئیماراتی یەکگرتووی عەرەبی و هیندستانە، سزایان بەسەردا سەپێنراوە.هەروەها نزیکەی ۳۰ کەشتی کە ئاڵای وڵاتانی وەک پالاو، پەنەما، جامایکا و گامبیایان لەسەرە و ماددەی شیمیایی دەگوازنەوە، خراونەتە لیستی سزاکانەوە.
