سازمانی خهباتی کوردستانی ئێران
هێرشێکی خوێناوی لە باکووری ئیسرائیل دوو کوژراوی لێکەوتەوە
پۆلیسی ئیسرائیل ڕایگەیاند لە ئەنجامی زنجیرە هێرشێکی "ترۆریستی" بە چەقۆ و ئۆتۆمبێل لە ناوچەکانی نێوان بێت شێئان و عەفولە، دوو کەس (پیاوێکی تەمەن ٦٨ ساڵ و کچێکی تەمەن ١٩ ساڵ) کوژران. هێرشبەرەکە فەلەستینییەکی تەمەن ٣٧ ساڵە بە ناوی ئەحمەد ئەبوو ڕووب و دانیشتووی گوندی "قەباتیە"یە لە کەناری ڕۆژاوا؛ ناوبراو دوای هێرشەکە لەلایەن هاووڵاتییەکی مەدەنییەوە تەقەی لێکرا و بە برینداری گیرا. لە کاردانەوەی ئەو ڕووداوەدا، ئیسرائیل کاتس، وەزیری بەرگری، فەرمانی بە سپا دا ئۆپەراسیۆنێکی "توند و خێرا" بۆ سەر زێدی هێرشبەرەکە لە گوندی قەباتیە ئەنجام بدەن و هۆشداری دا کە هەر کەسێک هاوکاری ترۆر بکات، باجێکی قورس دەدات.
