سازمانی خهباتی کوردستانی ئێران
لەسەر داوای حەوت پارتی ڕۆژهەڵاتی کوردستان، ئەمڕۆ مانگرتنی گشتی لە ڕۆژهەڵاتی کوردستان ئەنجام دەدرێت.
پارتی ئازادیی کوردستان، پارتی ژیانی ئازادی کوردستان، سازمانی خەباتی کوردستانی ئێران، کۆمەڵە، ڕێکخراوی کوردستانیی حیزبی کۆمۆنیستی ئێران، کۆمەڵەی زەحمەتکێشانی کوردستان، کۆمەڵەی شۆڕشگێڕی زەحمەتکێشانی کوردستانی ئێران و حیزبی دێموکراتی کوردستانی ئێران لە راگەیەندراوێکی هاوبەشدا داوای مانگرتنی گشتییان لە هاووڵاتییانی ڕۆژهەڵاتی کوردستان کرد.
مانگرتنەکە ئەمڕۆ پێنجشەممە ئەنجام دەدرێت کە بە پێی ڕاگەیەندراوەکە مەبەستی لێی “پشتیوانی لە ناڕەزایەتییە سەرانسەرییەکان و هاوپێوەندی لەگەڵ هاونیشتمانانمان لە کرماشان، ئیلام و لوڕستان”ە.
نزیکەی دوو هەفتەیە دژی خراپی گوزەران خۆپیشاندانی ناڕەزایی ژمارەیەک ناوچەی ڕۆژهەڵاتی کوردستان و چەندین شاری ئێرانی گرتووەتەوە و توندوتیژیشی لێ کەوتووەتەوە.
تا ئێستا سەدان کەس لە خۆپیشاندانەکاندا بوونەتە قوربانی.
