سازمانی خهباتی کوردستانی ئێران
پشتیوانی زیندانی ناوەندیی سنە لە بانگەوازی مانگرتن
نۆ زیندانیی سیاسیی کورد بۆ پشتیوانی لە مانگرتنی سەرتاسەریی کوردستان کە لەلایەن ناوەندی دیالۆگ بۆ هاوکاری هێز و لایەنە سیاسییەکانی کوردستانی ئێران بڵاو کرایەوە، لە مانگرتندان.
بەپێی ڕاپۆرتەکان ڕۆژی پێنجشەممە ١٨ی بەفرانبار۱۴۰۴، سروە پوورمحەممەدی، مەحموود سادقی، ڕەفیق سەلیمی، نادر بەهمەنی، یوسف ئەحمەدی، ئیدریس مینبەری، محەممەد ڕەحیمی، فریاد قادری، و فەردین مەولوودی، زیندانیانی سیاسیی زیندانی ناوەندیی سنە، هاوكات لەگەڵ مانگرتنی سەرتاسەری، پشتیوانیان لە بانگەوازی مانگرتنەکان کردوەو لەگەڵ خاڵکی ئازادیخواز لە کوردستان و ئێران، مانیان گرتووە.
