سازمانی خهباتی کوردستانی ئێران
سەبارەت بە دۆخی کۆبانێ، سەرچاوەکان ئاماژە بەوە دەکەن کە هێشتا ئاڵۆزی هەیە. بڕیار بوو هێزەکانی دیمەشق بچنە ناو شارەکە، بەڵام بەهۆی ئەوەی ژمارەی ئۆتۆمبێلەکانیان لە ٢٥ ئۆتۆمبێلەوە زیاد کردووە بۆ ٢٠٠، رێگرییان لێکراوە و ئێستا لە گوندی شێخلەر جێگیر بوون. ئەمە جگە لەوەی کۆبانێ نزیکەی دوو هەفتەیە لە ژێر گەمارۆدایە و هێڵەکانی پەیوەندی و ئینتەرنێت تێیدا پچڕاون.لە لایەکی دیکەوە، پڕۆسەی کارگێڕی بەردەوامە. نورەدین عیسا، کاندیدی هەسەدە بۆ پۆستی پارێزگاری حەسەکە، گەیشتووەتە دیمەشق بۆ تەواوکردنی رێکارە یاساییەکان و وەرگرتنی مەرسومی دەستبەکاربوون.
بەپێی رێککەوتنە واژۆکراوەکەی 11 ڕیبندان، بڕیارە یەکەیکی سەربازی پێکبهێنرێت کە سێ لیوای لە هەسەدە دەبێت، لەگەڵ لیوایەکی دیکە لە کۆبانێ کە سەر بە فیرقەی حەلەب دەبێت. هەروەها دەروازە سنوورییەکان و کێڵگە نەوتییەکان رادەستی دەسەڵاتی ناوەندی دەکرێنەوە لە بەرامبەر گەرەنتی کردنی مافە کولتووری و پەروەردەییەکانی کورد و گەڕانەوەی ئاوارەکان.
