سێنتکۆم بانگەشەکانی سپای پاسداران بۆ کوشتنی ٢٠٠ فڕۆکەوانی ئەمریکیی ڕەت كردەوە

فەرماندەیی ناوەندیی هێزەکانی ئەمریکا (سێنتکۆم)، بە توندی ئەو دەنگۆیانەی ڕەت کردەوە کە لە لایەن سپای ترۆریستی پاسدارانی ئێرانەوە بڵاوکراونەتەوە سەبارەت بە بەئامانجگرتنی فڕۆکەوانە ئەمریکییەکان لە سعوودیە. پێداگریی کردەوە کە ئەم جۆرە هەواڵە ناڕاستانە تەنیا بۆ شاردنەوەی ئەو شکستە سەربازییە گەورانەیە کە لەم دواییانەدا بەر تاران کەوتوون.لە وەڵامێکدا بۆ ڕاگەیەندراوێکی سپای ترۆریستی پاسداران کە تێیدا بانگەشەی ئەوە کرابوو هێرش کراوەتە سەر بنکەیەکی سەربازیی ئەمریکا لە ناو خاکی سعوودیە و ٢٠٠ فڕۆکەوان و ستافی فڕۆکەوانی کراونەتە ئامانج، سێنتکۆم ڕایگەیاند، هیچ سەربازێکی ئەمریکی لە سعوودیە زیانی پێنەگەیشتووە و ئەم هەواڵانە دوورن لە راستی.