سازمانی خهباتی کوردستانی ئێران
ئەمریکا رایگەیاند، سەرقاڵی لێکۆڵینەوەیە لە نوێترین پێشنیاری ڕژیمی ئێران بۆ کردنەوەی تەنگەی هورمز، ئەوەش دوای دوو مانگ لە هەڵگیرسانی جەنگێک کە فشارێکی زۆری خستووەتە سەر ئابووریی جیهان.لە کاتێکدا رۆژنامەی نیویۆرک تایمز لە راپۆرتێکدا دەڵێت، دۆناڵد ترەمپ، سەرۆکی ئەمریکا بە راوێژکارەکانی راگەیاندووە، بەو پێشنیارە نوێیەی ڕژیمی ئێران رازی نییە، کە بۆ کردنەوەی تەنگەی هورمز و کۆتاییهێنان بە جەنگ پێشکێشی کردووە. هۆکاری ناڕەزایەتییەکەی ترەمپ بۆ ئەوە دەگەڕێتەوە کە ڕژیمی ئێران لە پێشنیارەکەیدا داوای کردووە گەمارۆی دەریایی لەسەر بەندەرەکانی لاببردرێت، بەڵام ئامادە نەبووە باس لە چارەنووسی بەرنامە ئەتۆمییەکەی بکات. ترەمپ پێداگرە لەسەر ئەوەی کە نابێت ڕژیمی ئێران ببێتە خاوەنی چەکی ئەتۆمی و دەیەوێت هەر رێککەوتنێک بکرێت، وەک "سەرکەوتنێکی گەورە" بۆ واشنتن دەربکەوێت.کارۆلاین لێڤیت، وتەبێژی کۆشکی سپی رایگەیاند، واشنتن پێشنیارە نوێیەکەی ڕژیمی ئێران لە رێگەی پاکستانەوە پێگەیشتووە.
