سازمانی خهباتی کوردستانی ئێران
سێنتکۆم: توانای سەربازیی ئێران بە ڕێژەی ٩٠٪ لاواز بووە
براد کووپێر، فەرماندەی ناوەندیی هێزەکانی ئەمریکا (سێنتکۆم) ڕایگەیاند،
پیشەسازییەکانی مووشەک، درۆن و هێزی دەریایی ڕژیمی ئێران بە ڕێژەی ٩٠٪ لاواز
بوون و چیتر ئەو وڵاتە وەک ڕابردوو توانای هەڕەشەکردنی نەماوە.
فەرماندەکەی سێنتکۆم ئاماژەی بەوە کرد، ئەو گروپانەی لەلایەن ڕژیمی ئێرانەوە پاڵپشتی
دەکران، وەک حەماس، حیزبوڵڵا و حوسییەکان، ئێستا لەو هاوکارییانە بێبەش کراون.
کووپێر ئەوەشی خستە ڕوو، کە لە ڕابردوودا گروپەکانی سەر بەڕژیمی ئێران بە تێکڕا سێ ڕۆژ
جارێک هێرشیان دەکردە سەر هێزەکانی ئەمریکا، بەڵام ئێستا هەڕەشەکانیان بە
شێوەیەکی بەرچاو کەمی کردووە. هەروەها وتیشی: سپای ئەمریکا ئێستا چەکی
هەرزانتر بۆ خستنەخوارەوەی درۆنەکانی ڕژیمی ئێران بەکاردەهێنێت و چیتر پێویستی بە
تەقەمەنی گرانبەها نییە.
