سازمانی خهباتی کوردستانی ئێران
ژیانی ژێرزەمینیی موجتەبا خامنەیی
ئەو پیاوەی خەونی بە جێنشینیی باوکی و ڕێبەرایەتی دەبینی، ئێستا لە
ترسی گیانی لە ئەو کون بۆ ئەو کون دەگەڕێت! فاکس نیوز لە ڕاپۆرتێکی شۆککەردا ئاشکرای دەکات:
موجتەبا خامنەیی سێ مانگە لە حەشارگەیەکی توندوتۆڵدا خۆی شاردووەتەوە.
شارەزایانی دژەتیرۆر دەڵێن شێوازی ژیانی ئێستای موجتەبا، ڕێک ساڵانی
کۆتایی ئۆسامە بن لادەن وەبیر دەهێنێتەوە. ئەو ئێستا بەبێ تەلەفۆن، بەبێ ئینتەرنێت
و دوور لە هەموو ئامێرێکی پەیوەندی دەژی؛ پەیامەکانی تەنیا لە ڕێگەی نامەی دەستنووس
و نێردراوی تایبەتەوە دەگەیەنێتە دەوروبەری.
ڕژیمی ئێڕان وانەی لە "ئەبۆت ئاباد" وەرگرتووە و دەزانێت ئەشکەوتەکان
پارێزراو نین، بۆیە جێنشینەکەی خامنەیی لە ژێرزەمینە دیواربەستراوەکانی ناو
بنکە سەربازییەکاندا خۆی تپ کردووە. ئەمە نیشانەی شکستی ئەو دەسەڵاتەیە کە
بانگەشەی هێز دەکات، کەچی تەنانەت ناتوانێت پارێزگاری لەخۆشی بکات.
ڕژێمێک کە سەرکردەکانی لە ژێر زەوی و لە ترسی فڕۆکە بێفڕۆکەوانەکاندا
بن، چەندە دەتوانێت بەرگەی ڕاپەڕینی گەل و فشارە دەرەکییەکان بگرێت؟ کات بۆ ڕژیمی ئێران
خەریکە تەواو دەبێت!
