سازمانی خهباتی کوردستانی ئێران
کرماشان؛ دوو برای چالاک لەلایەن سپای پاسدارانەوە کوژران
بەرەبەیانی ڕۆژی پێنجشەممە، هێزەکانی سپای ترۆریستی پاسداران لە گوندی (قەڵا کەوەش)ی سەر بە شاری داڵاهۆ، پەناگەی دوو برای چالاکی فەرهەنگییان گەمارۆ دا و بە تەقەی ڕاستەوخۆ هەردووکیانیان کوشت.
قوربانییەکان (مەیسەم وەیسی) و (موجتەبا وەیسی)ن، کە لە دامەزرێنەرانی کتێبخانەی کوردیی "دەرەدرێژ" و لە پەیڕەوانی ئایینی یارسان بوون. ئەو دوو برایە بەهۆی بەشداریکردنیان لە ناڕەزایەتییەکانی بەفرانباری ساڵی ڕابردوو، بە نهێنی دەژیان و بێ هیچ ئاگادارکردنەوەیەک کراونەتە ئامانج.
هاوکات، چارەنووسی هاووڵاتییەک بە ناوی (فەرشاد حاتەمیپوور) کە خاوەنی ماڵەکە بووە، دوای هێرشەکە بە نادیاری ماوەتەوە و بنەماڵەکەی لە دۆخێکی پڕ لە نیگەرانیدان.
