سازمانی خهباتی کوردستانی ئێران
ئەمریکا پارە بلۆککراوەکانی ڕژیمی ئێران بۆ
قەرەبووکردنەوەی هاوپەیمانانی کەنداو بەکاردەهێنرێت
ئاژانسی هەواڵی ڕۆیتەرز لە زاری سەرچاوەیەکی ئاگادارەوە ئاشکرای کرد، ئیدارەی
ئەمریکا خەریکی لێکۆڵینەوەیە لە بڕیارێکی جەنجاڵی، ئەویش بەکارهێنانی دارایییە
بلۆککراوەکانی ڕژیمی ئێرانە بۆ دابینکردنی تێچووی ئاوەدانکردنەوە و
قەرەبووکردنەوەی ئەو زیانانەی بەر وڵاتانی هاوپەیمانی واشنتۆن لە کەنداو
کەوتووە.
=======================
بەپێی هەواڵەکە، سکۆت بێسێنت، وەزیری خەزێنەی ئەمریکا، گروپێکی تایبەتی ڕاسپاردووە
بۆ ئەوەی بە وردی قەبارەی ئەو زیانانە بخەمڵێنن کە لە ئەنجامی هێرش و ئاڵۆزییەکانی
ناوچەکەدا بەر وڵاتانی کەنداو کەوتووە. ئەم هەنگاوە تەنها ئاوەدانکردنەوە
ناگرێتەوە، بەڵکو واشنتۆن دەیەوێت وەک قەرەبووی پەلامارە سهربازییهكانی
ڕابردووی ڕژیمی ئێران، ئەو پارانە ڕادەستی هاوپەیمانەکانی بکات.
چاودێرانی سیاسی پێیان وایە ئەم بڕیارە دەبێتە گەورەترین بەربەست لەبەردەم
دانوستانە دیپلۆماسییەکانی نێوان ڕژیم و واشنتۆن، و دەکرێت گرژییەکانی
ناوچەکە بگەیەنێتە ئاستێکی مەترسیدارتر. لە کاتێکدا ڕژیمی ئێران چاوەڕێی ئازادکردنی
پارە بلۆککراوەکانی دەکات، ئەم پلانە نوێیەی ئەمریکا دەبێتە گورزێکی کوشندە بۆ
ئابووریی سپای ترۆریستی پاسداران و ڕژیمی ئێران و گۆڕانکارییەکی ڕادیکاڵ لە هاوسەنگیی هێز لە ڕۆژهەڵاتی
ناوەڕاستدا.
