سازمانی خهباتی کوردستانی ئێران
وەزارەتی دەرەوەی ئیمارات بە توندی ئەو دەنگۆ و ڕاپۆرتە میدیاییانەی
ڕەتکردەوە کە باس لە گواستنەوەی پارە یان ئازادکردنی داراییە بلۆککراوەکانی
ڕژێمی ئێران دەکەن لە ڕێگەی وڵاتەکەیەوە. ئەمەش لێدانێکی تری دیپلۆماسی و داراییە
بۆ ڕژیمی ئێران کە هەوڵی دەدا وا نیشان بدات گەمارۆکانی لەسەر سووک بووە.
لە بەیاننامەیەکی فەرمیدا، حکومەتی ئیمارات ڕایگەیاند، ئەو
ئیدیعایانەی باس لە گواستنەوەی "سێ ملیار دۆلار" بۆ کۆماری ئیسلامی دەکەن،
"دوورن لە ڕاستی" و هیچ جۆرە ئاڵوگۆڕێکی دارایی لەو شێوەیە ڕووی نەداوە.
ئەم ڕەتکردنەوەیە نیشانی دەدات کە ڕژێمی ئێران لە ناوەوە تووشی قەیرانێکی خنکێنەر
بووە و پەنا بۆ بڵاوکردنەوەی زانیاریی ساختە دەبات تا وای نیشان بدات کە
دەستکەوتی دارایی هەیە، بەڵام هەڵوێستی ڕاشکاوی ئیمارات جارێکی تر ڕژێمی
ئێرانئ لەبەردەم جیهاندا شەرمەزار کرد.
ئیمارات داوای لە میدیاکان کردووە تەنها پشت بە سەرچاوە فەرمییەکان ببەستن،
ئەمەش وەک ئاماژەیەک بۆ ئەوەی کە ڕژیم خەریکی چەواشەکارییە. شارەزایان پێیان وایە
ئەم هەڵوێستەی ئیمارات سەلماندی کە گەمارۆ نێودەوڵەتییەکان لەسەر ڕژێم هێشتا بە
توندی بەردەوامن و هیچ "دەرچەیەک" بۆ ڕزگاربوونی ڕژیم لەو قەیرانە داراییە نییە
کە تێی کەوتووە.
