سازمانی خهباتی کوردستانی ئێران
کییەر ستارمەر سەرۆکوەزیرانی بەریتانیا لە بەردەم نووسینگەی سەرۆکوەزیرانی بەریتانیا لە داونینگ ستریت دەستلەکارکێشانەوەی خۆی ڕایگەیاند کە لەگەڵ شای بەریتانیا لەو بارەیەوە قسەی کردووە.ستارمەر دوای کەمتر لە دوو ساڵ لە هاتنە سەرکاری، لەژێر فشاری توندی ناو پارتی کرێکاران، ناچار کرا دەست لە کار بکێشێتەوە.
ڕۆژنامەی گاردیانی بەریتانی نووسیویەتی هێشتا ڕوون نییە کە ئایا پارتی کرێکاران پێشبڕکێیەکی فەرمی بۆ هەڵبژاردنی جێنشینەکەی ئەنجام دەدات یان بە بێ هەڵبژرادن دەسەڵات بۆ ئەندی بێرنهام، سەرۆکی پێشووی شارەوانی مانچستەری گەورە دەگوازرێتەوە.
بڕیارە ئەمڕۆ بێرنهام کورسی خۆی لە ئەنجومەنی کۆمۆنەکان وەربگرێت.
دۆناڵد ترامپ سەرۆکی ئەمەریکا ڕۆژی یەکشەممە لە پەیامێکدا لە تۆڕی کۆمەڵایەتیی ترووس سوشیاڵ ڕایگەیاند سەرۆکوەزیرانی بەریتانیا لە دوو بابەتی گرنگ "کۆچبەری و وزە"دا بە شێوەیەکی خراپ شکستی هێناوە و دەست لە کار دەکێشێتەوە.
